TOMBOY GILUTHANG PATAY

Usa ka tomboy and giluthang sa makadaghang higayon nga maoy hinungdan sa kamatayon niini. Ang biktima nailhan nga si AZNAIRA BALINDONG, 31 anyos, lumad nga taga Marawi City. SuSpek mao si ROGER NAVARRO, 32 anyos, ulitawo, nagpuyo sa barangay Calangahan, lungsod sa Sagbayan. 

Sumala sa inpormasyon sa usa ka saksi nga nailhan nga si MA. FE ALCOVER, hamtong ang pangidaron ug nagpuyo sa maong lugar. Niadtong nilabay'ng buwan nibakasyon sa ilang dapit ang biktima gikan sa Marawi City ug giangkon ni Alcover nga aduna silay relasyon sa biktima nga tomboy. 

Niadtong Abril 28, sa mga alas 2 ang takna sa kahapunon, nagplano si Balindong ug si Alcover nga iprenda ang laptop ni Balindong aron ibayad sa utang. Sa nasayran ang utang sa biktima  nagkantidad ug 2,000 pesos ngadto sa usa ka Junjie Oberes nga silingan ra usab nila ug naningil na kini. Sa wala pa mangadto sa lungsod ang duha naligo una kini sa kaligoan ni Guillermo Navarro igsoon sa suspek didto likod nga bahin sa ilang balay ug samtang didto na sila sa sulod sa kaligoan kalit ningduol ang suspek ug gipusil si Alcover sa kaduhang higayon apan wala mubuto ang armas ni Navarro, nidagan si Alcover pahilayo sa kaligoan. Nadunggan nalang ni Alcover ang duha ka masipang buto ug sa iyang paglingi nakita niya nga natumba na si Balidong. Pipila ka gutlo nadungog ni Alcover ang sunod-sunod nga buto sa armas gkan ni Navarro.

Sa ilawom sa kasagikan nakit an si Balindong nga naligo sa iyang kaugalingong singot nga wala nay gininhawa ug nasusi ang daghang samad sa iyang lawas nga pinusilan.