Manag-uyab nga nagdate gitulis sa buha ka wala mailhing lalaki ug gipusil human nisinggit ug pakitabang ang lalaki didto sa kilid sa Provincial Capitol building dalan F.Torralba, dakbayan sa Tagbilaran niadtong dominggo sa gabie Mayo 15, 2011.
Ang biktima nailhan nga sila si Mary Jane Ciruela, 19 anyos dalaga, nagpuyo sa brgy. San Roque, lungsod sa Baclayon ug iyang uyab nga si Danilo Paz, hamtong ang panuigon, ulitawo ug taga brgy. San Vicente sa samang lungsod.
Matod pa sa mga kapulisan nga samtang ang duha nag storyahanay sa kilid sa maong lugar sa insidente nga duol sa Land Bank mga alas 10:30 sa gabie dihang kalit nga giduol sa duha ka mga batan-ong lalaki, ug usa niini nag sul-ob ug itom nga t-shirt, itom nga kalo ug pantalon nga maong samtang ang usa nag suot ug puti nga sinina ug nagtabon ug panapton sa nawong ug gitionan ug usa ka pistola dayon deklara ug hold-up.
Gikuha sa suspetsado ang usa ka shoulder bag sa biktima nga adunay salapi nga mubalor ug 900 pesos, employee ID ug alahas sa avon. Matod sa biktima nga samtang padulong nang muhawa ang mga suspetsado nisinggit si Paz maoy hinungdan nga gipusil kini apan wala maigo kay nakatago sa usa ka poste sa samang lugar.
No comments:
Post a Comment